Pitsaasuseq pingaapoq. Suliffeqarfimmut sullitatsinnullu pingaaruteqarpoq suliatta ajunngitsumik pitsaasuumillu naammassinissaai, sulisuttalu ajunngitsumik sulinerminni misiginissaat pingaarpoq.

Suliatta pitsaassusissaa qulakkeerniarlugu uppernarsarniarlugu Masik pitsaassutsimut malittarisassamik ilitsersuutinik suliaqarnikuuvoq.

Pitsaasutsip malittariasassaannik aaqqissuulluakkamik malittarisassaqarpugut immami sanaartuitilluta, sanaartugassanik suliaqartilluta, aqqartartuttalu misissuinerinnut atortakkatsinnik.

Suliap aallartinneqannginnerani pilersaarusiortarpugut suut misissorneqaqqaassanersut taakkualu qanoq uppernarsarneqassanersut. Pineqartullu toqqarneqartarput piffimmi sukkut misilittakkat aallaavigalugit kukkuneq pilersinnaanerani.

Aqqartoqartillugu toqqaakkajuttarparput suliatta immiussissutitigut imaluunniit assiliinermi uppernarsarnissaat. Immiussisoqartillugu pilersaarusiaq ataatsimut immiunneqartarpoq suliap atilerneqarneratigut, ullulerneqarneratigut, piffissallu immikkoortiterneqarneratigut, sumiissuseq itissuseq, aqqartup sullitattalu oqaluunnerinut allaat immiussamut toqqorneqartarlutik.